Kalurahan Bunder

">

Cariyos Dumadining Kalurahan Bunder, wonten kalih versi :

1. Dumadining Kalurahan Bunder versi cariyos turun-temurun

Carios menika asring dipuncariosaken para sesepuh desa bilih ing sumingkar wonten priyanyi kanthi asma R.Ngt.Daliyah keturunan saking adipati Gunungkidul.

Kacarios Sumingkar dipunawiti saking Adipati Wiranagara. Adipati Wiranagara inggih adipati ingkang ageng labuh-labeting ngabdhi dhateng Kesultanan Ngayogyakarta Hadiningrat. Panjenenganipun Adipati Wiranagara jumeneng dados adipati wewengkon  Gunungkidul ing Sumingkar, sakmenika kawentar kanthi sesebutan Sambipitu.

Nalikaning Adipati Wiranagara sowan dhateng kraton Ngayogyakarta kadhawuhan titah mindhah kota praja kabupaten Gunungkidul inggih Sumingkar tumuju alas Nangka Dhoyong. Alas nangka dhoyong alas kang angker, kondur saking pisowanan Adipati Wiranagara ngawontenaken musyawarah kaliyan para panji, demang, rangga, lan ranupati sakadipaten. Wasana dipunadani sayembara sinten ingkang saged mbabat alas Nangka dhoyong dipunparingi bebingah arupi kalungguhan ing kadipaten.

Ingkang khasil ing sayembara babat alas Nangka dhoyong inggih prunan demang Karang rejek R. Mangun Geneng, anak turun saking Mangkunegara I  inggih punika Demang Wanapawira. Demang Wanapawira dipunbiyantu Nyi Nitisari anggenipun babat alas Nangka dhoyong. Andhap asor lan kurmat Demang Wanapawira tumprap panguasa alas Nangka dhoyong inggih Nyi Gadhung Melathi dadosaken sedaya jejibahan lancar tanpa alangan. Kepara angsal pambiyantu saking para prajurit Nyi Gadhung Melathi kangge mbabat alas Nangka dhoyong. Ratu kidul ugi paring pangestu anggenipun dadosaken alas Nangka dhoyong kadipaten enggal ing tlatah Gunungkidul inggih Wonosari.

Wonosari asalipun saking tembung ‘wana’ kang dipunpendhet saking asma Wanapawira lan ‘sari’ saking asma Nitisari.

Kekalihipun dados patuladhan bilih anggenipun ngayahi kekajengan kedah ngginakaken sipat andhap asor lan ngurmati tiyang sanes, boten wonten sipat angkara lan srakah tumprap palungguhan utawi bandha donya. Demang Wanapawira mboten ngarah bebungah jabatan kang dhuwur, nanging berjuwang tanpa pamrih labuh labeting babat alas Nangka dhoyong.

Menika salah satunggaling carios bumi Sumingkar kadipaten Gunungkidul ingkang sepisan kang dados carios rakyat ing Desa Bunder.

Dinas Kebudayaan Gunungkidul kanthi ngadani panulisan sejarah desa, dadosaken kula sakanca pados bukti sejarah saking babat tutur lan metodhe sumber primer. Adhedasar literatur, babad alas nangka dhoyong resmi dados sejarah ing Pemerintah Kabupaten Gunungkidul.

2. Dumadining Kalurahan Bunder versi Pamarentahan

Adeging desa Bunder warsa 1920 sasi 3 masehi ( wulan Maret dintenipun Sabtu surya kaping kalih dasa (20) bakda Maghrib malam surya kaping setunggal (1) Rejeb sampun kalebet Minggu Legi pitungan Jawi. Para warga pinisepuh lan masyarakat pitados bilih Kalurahan Bunder sampun wonten nalika Kabupaten Gunungkidul kita ibu kotanipun taksih wonten  Pati Kapanewon Ponjong, lan ndesa/kalurahan Bunder  mapan wonten ing (Kadipaten) Semingkar.

Kalurahan Bunder punika wiwitanipun kanthi nama ndesa ingkang papan dunungipun sakpunika kanthi sesebatan resmi miturut pamarintah inggih menika Padukuhan Bunder lan ingkang lenggah ngasta dados lurah inggih punika Raden Prawiro Puspita ingkang saklanjengipun kaparingan asma Bunder amargi miterat cariyos kondisi alam, toya ingkang mili saking lepen mbelah ndesa kepanggih kaliyan aliran lepen ageng (Lepen Oya) sahengga wonten titik pepanggihan arus ingkang kasebat tempuran lepen punika mbentuk puseran toya ingkang katingal mubeng /bunder, sahengga sak lajengipun piyayi sepuh saha pinisepuh mastani dusun punika kanthi sebatan BUNDER amargi tempuking lepen alit kaliyan lepen Oya saged ngumpal-ngumpal dados puseran ingkang mubeng bunder wujudipun. Dumugi sak punika sesebatan Bunder punika ingkang kaagem kangge nama dusun kala wau sahingga sepriki dados Kalurahan Bunder.

Bab III GAMBARAN KALURAHAN BUNDER

1. Prenatan Tata Paprentahan

Ingkang dipun wastani Dhusun sak derengipun wonten ewah-ewahan prenatan tumrap tata peprentahan rikala semanten, inggih punika ingkang kasebat Dhusun sami kaliyan Kalurahan, supados langkung terwaca, badhe kakabar ing ngandhap punika:

1. Prenatan Dhusun Sak Derengipun Kamardikan Tahun 1945
2. Prenatan Dhusun Wiwit Kamardikan Tahun 1945
3. Prenatan Dhusun Jaman Reformasi

1. Para Lurah Lan Pamong Ing Kalurahan Bunder

Wiwit 20 Maret warsa 1920 adhedasar adeging Kalurahan Bunder, sampun kaasta dening 10 Lurah, ananging arsip lan catetan , buslit/Surat Keputusan (SK) mboten saged kalacak wonten arsip kalurahan awit mboten wonten, sahengga pangimpun sumber lan penulis angel anggenipun nggambaraken. Ananging tata urutan Lurah saged kababar sinaosa perangkat desa sanesipun sampun mboten kalacak. Wonten ing ngandhap punika para Lurah ing Kalurahan Bunder, inggih punika:

1. Lurah 1 Raden Prawira Puspita - 1920
2. Lurah 2 Raden Sastra Puspita 1920 - 1953
3. Lurah 3 Tirtadimeja Tahun 1953 -1957
4. Lurah 4 Harjo Tiyono (Mbah Lurah Putih) Tahun 1957 – 1965
5. Lurah 5 dipun rangkep kaliyan Lurah Ngalang 1965 -1969
6. Lurah 5 Djamiyem / bu Suyono Prawoto Sastra tahun 1969-1989
7. Lurah 6 Serama Samidi Tahun 1989 - 1999
8. Lurah 7 Bapak Sudharmono Tahun 1999 - 2007
9. Lurah 8 Kabul SantosaTahun 2007 - 2017
10. Lurah 9 Plt (Carik) Sidik Hermawan S.Pd.I. 2017 - 2020
11. Lurah 10 Maryadi Tahun 2020 – dugi sak punika

BAB IV PANUTUP

1. Asal-usul Nama Kalurahan Bunder

Nama Bunder punika kedadosan saking wujud pepanggihn antawisipun lepen alit kaliyan lepen Oya inkang ageng ingkang nalika sak bibaripun jawah ngantos banjir sahenggo tempuran lepen punika tempuk lajeng mangumpal-ngumpal toyanipun ngantos mubeng seser mulak-mulak dados bunder, sahengga lok ipun masyarakat mastani dhusun punika Bunder.

Nalika mirsani prastawa banjir ingkang saestu ndadosaken eloking kawontenan amargi toya ingkang mboten sak baenipun sahingga dumugi sepriki, dados nama Dhusun/Kalurahan Bunder. Kahanan mekaten punika dumugi sak punika menawi jawah ageng taksih saged dipun sumurupi tempuk ing puseran kalih lepen punika ingkang saestu ageng, muser seser dados puseran toya ingkang Bunder, sahengga leres menawi dipun wastani Bunder awit prastawa tempuring kalih lepen punika.

1. Sejarah Adeging Kalurahan Bunder

Lurah kapisan Dhusun/Kalurahan Bunder inggih punika R. Prawira Puspita dereng wonten dasar seratan administratifipun saengga nembe paprentahan sak lajengipun ingkang dipun asta putranipun inggih punika Raden Sastra Puspita pinangka lurah kaping kalih nembe wonten bukti administrasinipun wonten ing catetan administrasi Kabupaten, ananging wonten Kalurahan mboten wonten arsipipun, punika saged dipun simpulaken awit cariyos saking wayah Bapa Lurah R. Sastra Puspita saha saking cariyos sesepuh Kalurahan Bunder Bapa Sudharmono mantan lurah Kalurahan Bunder.

Saking jaman Lurah Raden Sastra Puspita punika Paprintahan Kalurahan Bunder ingkang resmi miturut administratif nembe dipun adeging ing dinten Setu surya kaping kalih dasa (20) wulan Maret warsa 1920 Masehi ( 20 Maret 1920) dados adeging Kalurahan Bunder, wonten ing  dinten Setu Kliwon surya kapisan (1) wulan  Rejeb warsa  1850  lintir ba’da Maghrib tingalan Jawi, sahengga miturut etangan Jawi sampun mlebet Minggu Legi. Sarehne punika mlebet dinten Minggu kaleres dinten prei pramila dipun pendhet dinten Senin Pahing, ingkang kaleres dugi sak punika kagem dinten merti dusun Bunder ing dinten Senin Pahing.

Menggah mekaten adeging Kalurahan Bunder mendhet paprentahan Lurah kaping kalih ingkang dipun asta Raden Surya Puspita ingkang ngasta Lurah saking warsa 1920 dumugi 1953. Awit wonten ing administrasi nyebataken tanggal 20 Maret 1920  sahengga tanggal punika ingkang kagem cepengan adeging Kalurahan Bunder.

SUMBER LAN NARA SUMBER

1. SUMBER
2. Dokumen Kalurahan Bunder
3. Rijksblad Tahun 1912
4. Maklumat Pemerintah DI Yogyakarta No. 7 Tahun 1945
5. Maklumat Pemerintah DI Yogyakarta No. 10 Tahun 1946
6. Maklumat Pemerintah DI Yogyakarta No. 14 Tahun 1946
7. Maklumat Pemerintah DI Yogyakarta No. 15 Tahun 1946
8. Maklumat Pemerintah DI Yogyakarta No. 16 Tahun 1946
9. Petunjuk Jawatan Praja DIY No. 16 DP-46
10. Petunjuk Jawatan Praja DIY No. 17 DP-46
11. Petunjuk Jawatan Praja DIY No. 16/DP-46, tanggal 23 Agustus 1946 ngatur ngengingi Siti Kas Kalurahan
12. Petunjuk Jawatan Praja DIY No. 17/DP-46, tanggal 9 September 1946 ngatur menggah wiyaripun Siti inkang dados hakipun dhusun
13. Peraturan Daerah DIY No. 2 Tahun 1969 ngengingi persyaratan tata cara pencalonan lan pemilihan Lurah/Kepala Desa, pamong lan pembantu pamong.
14. Surat Keputusan Gubernur Kepala Daerah Istimewa Yogyakarta No. 211/1969, ngengingi persyaratan, tata cara pencalonan lan pemilihan Kepala Bagian Agama (Kaum).
15. Undang-Undang RI No. 5 Tahun 1979 ngengingi Pemerintahan Kalurahan
16. Keputusan Presiden RI No. 28 Tahun 1980 ngribah sesebatan Lembaga Sosial Kalurahan (SLD) dipun gantos nami LKMD ngantos dumugi struktur organisasinipun.
17. Peraturan Daerah Kabupaten Gunungkidul No. 8, 9, 10, 11, lan 12 Tahun 1983 ngengingi Pemerintah Kalurahan tuwin Kalurahan.
18. Undang-Undang RI No. 22 Tahun 1999, ngatur Pemerintahan Daerah
19. Undang-Undang RI No. 32 Tahun 2004 ngatur Pemerintahan Daerah
20. Undang-Undang RI No. 133 Tahun 2012 ngatur Keistimewaan Daerah Istimewa Yogyakarta
21. Undang-Undang RI No. 6 Tahun 2014 ngatur Kalurahan
22. Peraturan Gubernur Daerah Istimewa Yogyakarta No. 34/2017 ngatur Tanah Kalurahan (pasiten).
23. Peraturan Daerah Kabupaten Gunungkidul No.5 Tahun 2015, ngatur Kepala Desa.
24. Peraturan Daerah Kabupaten Gunungkidul No. 12 Tahun 2016 ngatur tata cara damel, ngisi, saha ngendalekaken Perangkat Kalurahan.
25. Peraturan Bupati Gunungkidul No. 36 Tahun 2016, ngatur struktur organisasi saha tata kerja Pemerintah Kalurahan
26. Peraturan Gubernur DIY No. 25 Tahun 2019 ngengingi Pedoman Kelembagaan Urusan Keistimewaan ing Pamarentah Kabupaten lan Kalurahan.
27. Peraturan Bupati Gunungkidul No. 20 Tahun 2020 babagan Susunan Organisasi lan Tata Kerja Pemerintah Kalurahan.

1. NARA SUMBER
2. Suwono ( 17 Desember 1938) sesepuh Dhusun Gambiran
3. Sudharmono ( sesepuh Kalurahan Bunder (mantan Lurah Bunder)
4. Sagiyem (10 Juni 1963) minangka Dhukuh Padhukuhan Gambiran.
5. Prastyo Wicaksono ( minangka Pangripta Kalurahan Bunder)
6. Maryadi ( minangka Lurah Bunder)
7. Sidik Hermawan,S.Pd.I. minangka Carik Kaurahan Bunder